fontພວຕ.ນວ ສະຫຼຸບການເຄືອນໄຫວວຽກງານປະຈຳ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018

ພະແນກ ວິທະຍາສາດ ແລະ ເຕັກໂນໂລຊີ ນຄອນຫຼວງວຽງຈັນ ໄດ້ຈັດກອງປະຊຸມສະຫຼຸບການເຄືອນໄຫວວຽກງານປະຈຳ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018 ຂື້ນໃນວັນທີ 30 ກໍລະກົດ 2018 ໂດຍການເປັນກຽດເຂົ້າຮ່ວມເປັນປະທານຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ, ທ່ານ ສີຫົນ ສິດທິລືໄຊ, ຮອງເລຂາຄະນະພັກ, ຮອງເຈົ້າຄອງນະຄອນຫຼວງວຽງຈັັນ.

ທ່ານ ທະວີໄຊ ເໝົາຊົມພູ, ເລຂາໜ່ວຍພັກ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານປະຈຳ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018 ຕໍ່ກອງປະຊຸມ ຊື່ງມີຜົນງານສະແດງອອກຄື: ໃນໄລຍະ 6 ເດືອນຕົ້ນປີຜ່ານມາ, ພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ໄດ້ເອົາໃຈໃສ່ຈັດຕັ້ງປະຕິບັດຜັນຂະຫຍາຍເນື້ອໃນມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ VI ຂອງຄະນະພັກນະຄອນຫຼວງວຽງຈັນ, ມະຕິກອງປະຊຸມໃຫຍ່ຄັ້ງທີ I ຂອງ ວິທະຍາສາດ ແລະ ເຕັກໂນໂລຊີ, ຕິດພັນກັບການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ I ຂອງໜ່ວຍພັກທີ່ໄດ້ວາງອອກໃຫ້ສຳເລັດເທື່ອລະກ້າວ; ພະນັກງານ-ລັດຖະກອນ ທຸກຄົນໄດ້ເອົາໃຈໃສ່ຕັ້ງໜ້າປະຕິບັດໜ້າທີ່ຂອງຕົນຢ່າງຫ້າວຫັນ ໂດຍສະເພາະໄດ້ລົງກວດກາສິນຄ້າປອມແປງເຄື່ອງໝາຍການຄ້າປະເພດແປງນົວກາຈອງ, ໂທລະສັບ ໂທລະສັບຂອງຊຳຊຸມ, ກວດກາຄຸນນະພາບນ້ຳມັນເຊື້ອໄຟທີ່ນຳເຂົ້າຜ່ານດ່ານສາກົນມິດຕະພາບລາວ-ໄທ1, ຕາມສາງແລະ ຕາມປ້ຳນ້ຳມັນ ທົວນະຄອນຫຼວງວຽງຈັນ, ໄດ້ລົງກວດສອບໝໍ້ນັບກະແສໄຟຟ້າຮ່ວມກັບໄຟຟ້າ ນວ, ນ້ຳປະປາຮ່ວມກັບນ້ຳປະປາ ນວ ແລະ ຊິງຊັ່ງຕາມຕະຫຼາດ, ໂຮງຈັກ-ໂຮງງານ, ກວດສອບບໍລິມາດສຸດທິຂອງນ້ຳດືມບໍລິສຸດໃນນະຄອນຫຼວງວຽງຈັນ; ໄດ້ຄົ້ນຄວ້າຕິດຕາມໂຄງການຜະລິດກະແສໄຟຟ້າພະລັງງານແສງຕາເວັນແບບປະສົມປະສານເຊື່ອມຕໍ່ເຂົ້າກັບຕາຂ່າຍໄຟຟ້າ, ໄດ້ລົງປະເມີນການນຳໃຊ້ເຄື່ອງມືໃນໂຮງຈັກ-ໂຮງງານສຳເລັດ 35 ໂຮງງານ, ໄດ້ສຶກສາຄົ້ນຄວ້າການນຳໃຊ້ໂປຼແກຼມຄຸ້ມຄອງລັດຖະກອນແບບເອເລັກໂຕຼນິກ ແລະ ໂປຼແກຼມຄຸ້ມຄອງເອກະສານແບບເອເລັກໂຕຼນິກ, ໂປຼແກຼມຖານຂໍ້ມູນບ້ານແບບເອເລັກໂຕຼນິກ ແລະ ອື້ນໆ.

ສະເພາະແຜນວຽກຈຸດສຸມ 6 ເດືອນທ້າຍປີໃນສົກປີ 2018 ພວກເຮົາຈະໄດ້ສູ້ຊົນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານປະຈຳປີ 2018 ຂອງນະຄອນຫຼວງວຽງຈັນ ທີ່ມອບໃຫ້ພະແນກ ວິທະຍາສາດ ແລະ ເຕັກໂນໂລຊີຈັດຕັ້ງປະຕິບັດ ມີ 7 ວຽກໃຫຍ່ຄື: ສຸມໃສ່ຄົ້ນຄວ້າ ແລະ ນຳໃຊ້ຜົນສຳເລັດຂອງການຄົ້ນຄວ້າວິທະຍາສາດ ແລະ ເຕັກໂນໂລຊີ ທີ່ທັນສະໃໝຂອງພາກພື້ນ ແລະ ສາກົນ ໃນການພັດທະນາເສດຖະກິດສັງຄົມຂອງນະຄອນຫຼວງວຽງຈັນສ້າງຄວາມເຂັ້ມແຂງດ້ານວຽກງານວິທະຍາສາດ ແລະ ເຕັກໂນໂລຊີຂໍ້ມູນຂ່າວສານ, ຊັບສິນທາງປັນຍາ, ມາດຕະຖານ ແລະ ວັດແທກ, ວິທະຍາສາດ ແລະ ເຕັກໂນໂລຊີນະວັດຕະກຳໃຫ້ໄດ້ 30% ຂື້ນໄປໃນ 9 ຕົວເມືອງ ສຶບຕໍ່ປະຕິບັດການກວດກາພະຫະນະວັດແທກ,​ຄຸ້ມຄອງ, ສົ່ງເສີມການຜະລິດສິນຄ້າ ໃຫ້ໄດ້ມາດຕະຖານແຫ່ງຊາດ ພ້ອມທັງປົກປ້ອງຜູ້ຊົມໃຊ້ ແລະ ຜູ້ຜະລິດເປັນເຈົ້າການໃນການຄົ້ນຄວ້າ ການນຳໃຊ້ ICT ເຂົ້າໃນການຄຸ້ມຄອງ ແລະ ບໍລິຫານລັດ ແລະ ພາກສ່ວນທຸລະກິດໃຫ້ໄດ້ 30% ຂື້ນໄປ.ໂຄງການເຮັດທົດລອງຮ່ວມກັບກະຊວງວິທະຍາສາດ ແລະ ເຕັກໂນໂລຊີຊຸກຍູ້ສົ່ງເສີມການຜະລິດ ໃຫ້ມີປະສິດທິຜົນໂດຍການນຳໃຊ້ວິທະຍາສາດ ແລະ ເຕັກໂນໂລຊີ ພະລັງງານທົດແທນ ແລະ ເຕັກໂນໂລຊຊີວະພາບຂອງບັນດາຫົວໜ່ວຍທຸລະກິດ 5 ຕົວເມືອງໃຫ້ໄດ້ໂດຍພື້ນຖານເພີ້ມທະວີການປະຕິບັດກົດໝາຍ ແລະ ນິຕິກຳລຸ່ມກົດໝາຍຂອງຂະແໜງການຂອງຕົນທີ່ໄດ້ປະກາດໃຊ້ແລ້ວໃຫ້ມີຄວາມເດັດຂາດ ແລະ ເຂັ້ມແຂງປະຕິບັດດລາຍຮັບວິຊາການ 10 ລ້ານກີບ. ພາຍຫຼັງການຜ່ານບົດສະຫຼຸບການເຄື່ອນໄຫວວຽກງານປະຈຳ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018 ຂອງທ່ານ ທະວີໄຊ   ເໝົາຊົມພູ, ເລຂາໜ່ວຍພັກ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ກໍ່ໄດ້ມີພິທີມອບໃບຍ້ອງຍໍ, ຊົມເຊີຍຂອງທ່ານເຈົ້າຄອງນະຄອນຫຼວງວຽງຈັນ ໃຫ້ແກ່ບຸກຄົນທີ່ມີຜົນງານດີເດັ່ນ.

               ໃນວາລະສຸດທ້າຍຂອງກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ແລະ ທ່ານ ສີຫົນ ສິດທິລືໄຊ, ຮອງເລຂາຄະນະພັກ, ຮອງເຈົ້າຄອງນະຄອນຫຼວງວຽງຈັັນ.

back1back3

back02back4