Frontກຳມະບານຮາກຖານພະແນກ ວຕ.ນວ ສະຫຼຸບຕີລາຄາການເຄື່ອນໄຫວປະຈຳສົກປີ 2017 ແລະ ວາງທິດທາງແຜນການປີ 2018

ກຳມະບານຮາກຖານພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ໄດ້ເປີດກອງປະຊຸມສະຫຼຸບຕີລາຄາການເຄື່ອນໄຫວປະຈຳສົກປີ 2017 ແລະ ວາງທິດທາງແຜນການປີ 2018 ຂື້ນໃນວັນທີ 13 ກໍລະກົດ 2018 ທີ່ຜ່ານມາ, ທີ່ຫ້ອງປະຊຸມຂອງພະແນກ ວຕ.ນວ ໂດຍການເປັນປະທານຂອງທ່ານ ອຸ່ນຫຼ້າ ແກວ້ປະເສີດ ປະທານກຳມະບານຮາກຖານພະແນກ

ພ້ອມດ້ວຍສະມາຊິກກຳມະບານທັງໝົດພາຍໃນພະແນກເຂົ້າຮ່ວມ.

          ທ່ານ ປະທານກຳມະບານຮາກຖານ ພວຕ.ນວ ໄດ້ກ່າວວ່າ: ກຳມະບານຮາກຖານພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ໄດ້ຖືກສ້າງຕັ້ງໃນວັນທີ 15 ມີນາ 2010 ໄດ້ເຄື່ອນໄຫວຕາມພາລະບົດບາດ ສິດໜ້າທີ່ຂອງຕົນຢ່າງແຂງແຮງ ພາຍໃຕ້ການຊີ້ນຳໆພາຂອງສະຫະພັນກຳມະບານ ນະຄອນຫຼວງວຽງຈັນ ແລະ ໜ່ວຍພັກພະແນກ ວິທະຍາສາດ ແລະ ເຕັກໂນໂລຊີ ເຊີ່ງປະຈຸບັນມີສະມາຊິກທັງໝົດ 37 ສະຫາຍ, ຍີງ 12 ສະຫາຍ.

ຜ່ານການສະຫຼຸບຕີລາຄາເຫັນວ່າສະມາຊິກແຕ່ລະສະຫາຍແມ່ນມີຄວາມອຸ່ນອ່ຽງທຸ່ນທ່ຽງ ເຊື່ອໝັ້ນຕໍ່ການຊີ້ນຳໆພາຂອງພັກ ຈັດຕັ້ງປະຕິບັດລະບຽບ, ກົດໝາຍບ້ານເມືອງໄດ້ດີ ໂດຍສະເພາະແມ່ນກົດໝາຍຂອງກຳມະບານກໍ່ຄືກົດລະບຽບຂອງລັດຖະກອນທຸກຄົນປະຕິບັດໄດ້ຢ່າງເຂັ້ມງວດ ເຊີ່ງສະແດງອອກໄດ້ຮັບຜົນງານຍ້ອງຍໍກຳມະບານ 5 ເປັນເຈົ້າທີ່ຜ່ານມາ. ນອກນັ້ນກໍ່ໄດ້ ກຳນົດທິດທາງແຜນການ ແລະ ຄາດໝາຍສູ້ຊົນໃນສົກປີ 2018 ເຊີ່ງມີບາງເນື້ອໃນດັ່ງນີ້: ຈະສ້າງໃຫ້ພະນັກງານທຸກຄົນເຂົ້າເປັນສະມາຊິກໃນໜ່ວຍຮາກຖານກຳມະບານໄດ້ 100% ແລະ ຈະນຳພາສ້າງໃຫ້ທຸກສະຫາຍເປັນສະມາຊິກ 5 ເປັນເຈົ້າ.  

Back